Լաոսի Ժողովրդական Ժողովրդավարական Հանրապետությունում Հայաստանի Հանրապետության Արտակարգ և լիազոր դեսպան Վահրամ Կաժոյանի նստավայրը՝ Հանոյ, հավատարմագրերի հանձնման արարողությունը:

07 սեպտեմբերի, 2021

Այսօր՝ ս.թ. սեպտեմբերի 7-ին ՎՍՀ-ում Լաոսի Ժողովրդական Ժողովրդավարական Հանրապետության դեսպանությունում կայացավ համատեղության կարգով՝ Լաոսի Ժողովրդական Ժողովրդավարական Հանրապետությունում Հայաստանի Հանրապետության Արտակարգ և լիազոր դեսպան Վահրամ Կաժոյանի (Vahram Kazhoyan), նստավայրը՝ Հանոյ, հավատարմագրերի հանձնման արարողությունը՝ ՎՍՀ-ում Լաոսի Ժողովրդական Ժողովրդավարական Հանրապետության դեսպան Սենգֆետ Հունգբունգնուանգին (H.E. Mr. Sengphet HOUNGBOUNGNUANG):

Լաոսի Ժողովրդական Ժողովրդավարական Հանրապետությունում Հայաստանի Հանրապետության դեսպան Վահրամ Կաժոյանի հավատարմագրերի հանձնումը նման ձևաչափով պայմանավորված է COVID-19 համավարակի տարածման և Վիետնամ-Լաոս ցամաքային և օդային սահմանների փակ լինելու հանգամանքներով:

Հավատարմագրերի հանձնման պաշտոնական արարողությունից հետո կայացած հանդիպման ժամանակ կողմերը քննարկեցին երկու երկրների միջև երկուստեք հետաքրքրություն ներկայացնող ոլորտներում երկկողմ հարաբերությունների, միջազգային կազմակերպություններում համագործակցության հետագա զարգացման ու խորացման հնարավորությունները, COVID-19 համավարակի տարածման և կանխարգելման խնդիրները, երկու երկրների միջև իրավապայմանագրային դաշտի ստեղծումն ու ընդլայնումը և այլ հարցեր:

Դեսպան Հունգբունգնուանգը ողջունելով իր հայաստանյան գործընկերոջը, նշեց, որ Կաժոյանն առաջին ՀՀ դեսպանն է, որ հավատարմագրվում է Լաոսում և ասաց, որ հավատարմագրի բնօրինակն անմիջապես կուղարկվի Լաոսի Ժողովրդական Ժողովրդավարական Հանրապետության նախագահ Տհոնգլուն Սիսուլիթին:

Իր հերթին դեսպան Կաժոյանը հույս հայտնեց, որ մոտակա ժամանակում Լաոսը ևս համատեղության կարգով կհավատարմագրի իր դեսպանին Հայաստանում:

Հանդիպման ընթացքում քննարկվեց Հայաստանում ուսանած լաոսցիների միություն ստեղծելու հարցը: Ընդ որում դեսպան Հունգբունգնուանգը նշեց, որ իր կինը նույնպես մեկ տարի ուսանել է Երևանում:

Լաոսի Ժողովրդական Ժողովրդավարական Հանրապետությունում Հայաստանի Հանրապետության դեսպան Վահրամ Կաժոյանի հավատարմագրերի հանձնման արարողությանը մասնակցում էին ՀՀ դեսպանության երկրորդ քարտուղար Արամազդ Մուրադյանը և Լաոսի դեսպանության երկրորդ քարտուղար Սոմվիլայ Չահտավոնգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր